Италијанскиот град Венеција воведува нова забрана за туристите.
Туристичките групи во Венеција се ограничени на 25 лица, додека употребата на мегафони е забранета, јавува BBC.
Венеција, исто така, претходно годинава воведе дневен билет за градот, кој чини 5 евра, откако на бродовите за крстарење им беше забранет пристап во 2021 година.
Прекумерниот туризам се смета за едно од најважните прашања за Венеција, дом на 250.000 луѓе, но во 2019 година градот го посетиле повеќе од 13 милиони луѓе. Оттогаш, бројот на туристи се намали, но се очекува да ги надмине нивоата пред пандемијата во наредните години.
Поплаки поради масовниот туризам имаше и во Шпанија. Полицијата тврди дека минатиот викенд имало 10.000 демонстранти на улиците на Палма де Мајорка. Нивната порака беше дека туризмот го прави животот во Палма неподнослив за локалното население.
