Грчката влада објави вонредни мерки за справување со високите температури кои се најавени од синоптичарите за нареднава недела во оваа соседна земја. Грција денес го затвори античкиот туристички локалитет Акропол, ги суспендираше училиштата и стационираше медицински лица низ Атина бидејќи се соочи со првиот топлотен бран на летото.
Грчкото министерство за култура претходно објави дека археолошкиот локалитет на ридот Акропол, најпознатата туристичка атракција во Грција, најверојатно ќе биде затворен од 12 часот до 17 часот во наредните денови поради очекуваниот топлотен бран.
Се очекува дека температурите ќе достигнат 43 степени Целзиусови во среда и четврток во делови од медитеранската земја, предизвикани од јужните ветрови кои носат топол воздух и прашина од Северна Африка.
Ридот Акропол, еден од најпознатите археолошки локалитети во светот што го вклучува храмот Партенон, беше затворен од пладне до 17 часот.и персоналот на Црвениот крст им делеа шишиња со вода на туристите.
Многу основни училишта и градинки низ државата ќе затворат два дена.
Грција е една од најпогодените земји од климата во Европа. Минатата година, зголемените температури поттикнаа смртоносни шумски пожари и непредвидливите дождови предизвикаа некои од најлошите поплави досега, кои ги оштетија посевите и средствата за живот.
Минатата зима беше најтопла досега, а врнежите беа слаби, што создаде услови за повеќе пожари, велат научниците.
Слични услови беа забележани минатата година низ поголемиот дел од јужна Европа, вклучувајќи ги Португалија, Франција, Шпанија и Италија каде пожарите предизвикаа десетици смртни случаи.
Во Грција годинава пожарите започнаа порано од очекуваното, вклучително и оној во март.
Пожарникарите и полицијата патролираа по шумите од воздух и од копно во средата, во пресрет на ветровитиот крај на неделата, што го зголемува ризикот од ширење на пожарите.
По минатогодишните деструктивни шумски пожари, вклучително и на островот Родос, кои ја поттикнаа најголемата евакуација во мирно време, Грција ги зголеми своите подготовки со ангажирање повеќе персонал и засилена обука.
