Аеродромот Истанбул во Турција остана најпрометниот воздушен центар во Европа од 1 до 7 јули со просечни 1.500 летови дневно, според податоците објавени во четвртокот од Европската организација за воздушна безбедност (Евроконтрол).
Бројката е намалена за два отсто во однос на претходната недела, јавува Anadolu Agency.
Следува Париз Шарл Де Гол со 1.412 летови дневно, Амстердам со 1.407 летови, Лондон Хитроу со 1.332 летови и Франкфурт со 1.322 летови.
Аеродромот Анталија во турското медитеранско одморалиште беше рангиран на осмото место меѓу најпрометните воздушни центри во Европа, со 1.040 дневни летови минатата недела.
Би можело да ве интересира: Овој аеродром не изгубил ниту еден багаж во последните 30 години
Во Европа се регистрирани вкупно 34.461 просечни дневни летови, што е нешто повеќе од 0,6 отсто во однос на претходната недела.
Велика Британија беше најпрометната земја, со 6.267 летови – вклучувајќи прелети – од 1 до 7 јули.
Следуваше Шпанија со 5.965 летови, Германија со 5.352 летови, Франција со 4.950 летови и Италија со 4.714 летови минатата недела. Турција се најде на шестото место во најпрометните земји во Европа со 4.011 летови.
Рајанер беше водечка авиокомпанија со 3.596 дневни летови, а easyJet беше втор со 1.829 дневни летови. Трет по големина просечни дневни летови имаше Туркиш ерлајнс со 1.598 дневни летови.
