Ако сонцето ви пречи или се појави осип на вашата кожа, можете да користите едноставен тест за да откриете дали се работи за алергија.
Го поминавте целиот ден на сонце и сега вашата кожа е болно црвена.
Но, дали е тоа обична изгореница или можеби алергиска реакција? Алергијата на сонце не значи дека едноставно ја мразите топлината; тоа е физичка реакција на кожата која генерално не е опасна, но може да предизвика болка и иритација.
Како изгледа алергијата на сонце?
– Алергија на сонце најчесто доживуваат младите жени со светол тен. Најчесто се јавува во пролет, кога делови од телото кои биле покриени во зима наеднаш ги чувствуваат сончевите зраци. Најкритични се вратот и рацете. Раните симптоми вклучуваат чешање, црвенило, воспаление и осип – црвени дамки или плускавци – објасни д-р Клер Морисон.
Едноставен тест открива алергија
Алергијата на сонце понекогаш може да биде тешко да се дијагностицира, бидејќи симптомите варираат од личност до личност. Некој може да почувствува неподносливо чешање, додека кај други кожата е воспалена и покрај високиот заштитен фактор.
Клучот за препознавање на алергија на сонце е да ги забележите симптомите што се појавуваат кога сте изложени на сончева светлина. За да се тестирате, едноставно покријте дел од кожата и набљудувајте ги реакциите на сонцето.
Ако видите одредени симптоми на вашата кожа, кои не ги гледате на делот од телото што бил покриен, веројатно имате алергија на сонце.
Како да спречите алергиски реакции
Освен болка и иритација, алергијата на сонце може да му наштети на вашето здравје и на други начини. Непријатните реакции на сонце ги принудуваат луѓето да излегуваат надвор само кога е облачно, што може да резултира со недостаток на витамин Д затоа е важно заболените од алергија да земаат таблети со витамин Д.
За да се спречи алергиска реакција на сонце, најважно е, логично, да не излегувате надвор кога сонцето е најсилно.
Носете памучна облека што дише, одржувајте ладење и задолжително туширајте се секој ден, пренесува Метро.
