Една од целите на новите мерки е да се отежни влезот на криминалците или терористите во ЕУ со лажни пасоши, бидејќи биометриската контрола ќе се врши секој пат кога ќе ја преминат границата.
Граѓаните од околу 60 земји, вклучувајќи ја и Македонија, многу ги засегна веста за новиот систем за влез во Европската унија.
Станува збор за систем составен од два дела, а неговиот прв дел, познат како EES, започнува со работа веќе на 10 ноември и ќе служи – за патникот да се пријави за патување целосно бесплатно. Станува збор за автоматизиран систем за регистрација на влез и излез од ЕУ. Преку апликацијата и веб-страницата, покрај патниот документ, ќе биде потребна едноставна регистрација:Сепак, многу посложена процедура ги очекува патниците од средината на 2025 година, кога започнува примената на вториот чекор од системот, познат како ETIAS. Ова подразбира издавање дозвола за патување и не претставува само пријава за патување, туку се врши и проверка на патникот.
Системот ETIAS не собира биометриски податоци, за разлика од EES, а е поврзан со пасошот. Кога патникот ќе аплицира за влез во Европската унија од средината на 2025 година, дозволата за патување може да ја добие за само неколку минути, освен ако нема некој проблем, што значително може да ја продолжи целата процедура.
Колку ќе трае дозволата за влез ETIAS?
Дозволата ќе важи три години или до замената на патната исправа со која некој се пријавил. Формуларот е врзан за патната исправа, што значи дека важи само со пасошот со кој е направена пријавата за влез.Нов пасош значи нова пријава. Ако ETIAS е платен и одобрен за патување во една земја, важи и за друга.ETIAS овластувањето не значи дека лицето може да престојува во ЕУ подолго од 90 дена во период од шест месеци или да работи во ЕУ. Патникот ќе може да влегува и излегува од ЕУ колку пати сака и да патува на која било дестинација во Шенген зоната за време на траењето на дозволата, се додека го почитува наведеното временско ограничување.
Како да се пријавите?
За да се пријавите, потребно е:
- Да го внесете бројот на картичката
- Рокот на важност
- Податоците за лицето на чие име е издадена картичката
- Како и CVV/CVC трицифрениот број отпечатен на задната страна на картичката покрај потписот на сопственикот
- Сметката мора да има потребен износ на пари конвертирани во локална валута
Таксата од седум евра нема да ја плаќаат лица помлади од 18 и постари од 70 години, сопружници/регистрирани партнери и деца на државјани на ЕУ и земјите од Шенген зоната, како и децата на сопружниците/партнерите кои доаѓаат надвор од ЕУ.
„Групна“ пријава нема да биде можна, односно во случај на семејно патување секој член ќе мора посебно да се пријави за ETIAS.
Системот ETIAS ќе биде достапен на јазиците на земјите членки, вклучувајќи го и хрватскиот, а системот ќе прифаќа само латинични букви. Патникот ќе може да го паузира пополнувањето на пријавата, да ги зачува промените и да продолжи со внесувањето на податоците во рок од 48 часа.Зошто е воспоставен системот? Новиот систем EES е поставен за да се поврзат базите на податоци на земјите членки на ЕУ, со цел да се олесни следењето на времето и местото на престој и да се обезбеди дека патниците не престојуваат подолго од 90 дена во период од шест месеци.
Една од целите на новите мерки е да се отежни влезот на криминалците или терористите во ЕУ со лажни пасоши, бидејќи биометриската контрола ќе се врши секој пат кога ќе ја преминат границата.
Патниците нема да плаќаат такса за земање на биометриски податоци.
Податоците ќе бидат достапни на полициските служби на земјите членки на Шенген зоната и на полициската агенција на ЕУРОПОЛ за време на кривични истраги, особено за тероризам и организиран криминал.
Проверките на биометриските податоци ќе бидат заострени во средината на 2025 година, но точниот датум не е утврден.
Слични системи веќе воведоа Соединетите Американски Држави, Канада и Австралија.
