Робот диџејот - Алшар имаше премиера изминатиот викенд во клубот Rebel во Охрид
По повод одбележувањето на Денот на независноста на Македонија, проф. Анис Сефиданис од компанијата за истражување и развој Сефиданис го претстави Алшар, хуманоиден диџеј робот кој работи на принципите на вештачката интелигенција и, очигледно, е прв од ваков вид во светот...
Минатиот викенд Алшар дебитираше на диџеј пултот на клубот Rebel во Охрид. Според проф. Сефиданис, неговите вештини ја надминуваат механичката репродукција на музички дела, па затоа, како дел од перформансот, го претставил и своето прво авторско дело, насловено „Лорандит“, по минералот лорандит, откриен во еден македонски рудник. „Лорандит“ е прогресивен техно инструментал кој го содржи и текстот на песната „Завет“ од Бојана Скендеровски, која ги открива и музичките афинитети на Алшар, односно спој на современата електронска и македонска музика. Во неговиот диџеј сет можеа да се слушнат и делата на македонскиот мултимедијален колектив PMG.
Проф. Сефиданис го открива и следново:
„Алшар беше дизајниран да ги предвиди нашите очекувања и музички сензибилитети за да го подигне нивото на забава во ноќниот живот. Неговата мехатроника се базира на Arduino и RaspberryPi, две достапни технологии. Торзото, главата и рацете се моделирани по францускиот скулптор на Инмо Гаел Ланжевин, додека крилјата ги изработи македонскиот дизајнер Зоран Кардула. Облеката на Алшар е и првата македонска колекција „За луѓе и роботи“, на Ана Митреска. На целиот проект работеа неколку професионалци од нивната област, меѓу кои: Шабан Брзев, Марјан Јано, Влатко Домазетоски, Михаил Ангелски, Нубира Ајдиноска, Давид Трајкоски, Амир Ајдиноски, Александра Коровеш, Азра Демиши, Хадис Абуш, Никола Шишко Ма, Никола Шишко, Тетоважа, Јана Слаи, Сашо Митан и тимот на Супер радио, ученици на УИНТ „Св. Апостола Павла“, ученици од СОУ „Св.Климент Охридски“, како и ученици од Франција, Малта, Украина, Латвија, Романија, Полска и други кои се вклучија преку програмата Еразмус+...“
