Системот за автоматско откривање на прекршоци за надминување на дозволената брзина вчера почна со примена на четири локации во Белград, каде дозволената брзина на движење на возилата е ограничена на 50 километри на час. Станува збор за четири сообраќајни раскрсници во Белград, а освен овој систем, прекршоци откриваат и сообраќајните камери во Белград, а што снимаат открива порталот Nova.rs.
Системот за автоматско откривање на пребрзо возење ќе се применува на булеварот Михајло Пупин - Бранков Мост, раскрсницата на булеварот Никола Тесла и Улица Ушќе, на раскрсницата на улиците Антифашистички Борба и Јуриј Гагарин, како и на булеварот Краља Александра кај маркетот Ѓерам. соопшти МВР.
Најавено е дека овие системи во наредниот период ќе бидат инсталирани и на некои други локации. Покрај овие системи, сообраќајните прекршоци ги откриваат и сообраќајните камери, а Дамир Окановиќ, директор на Комитетот за безбедност во сообраќајот, во интервју за Нова.рс открива кои камери се користат кога е во прашање сообраќајот.
„Во моментов се користат камери кои освен брзина откриваат поминување на црвено светло, па возење по жолта лента. Имаме и камери кои ги имаат потребните технички карактеристики за да можат да го снимат прекршокот на неносење појас, како и неправилна употреба на мобилниот телефон при возење“, вели Окановиќ за нашиот портал.
Што се однесува до системот за автоматско откривање на пребрзо возење,тој објаснува како изгледа казнената постапка.
„Постапката е следна, најпрво на сопственикот на возилото му се испраќа барање да даде информација за лицето кое го управувало возилото, во одредено време на одредено место. Оваа информација сопственикот е должен заедно со изјавата на возачот да ја достави до Министерството за внатрешни работи на Србија, по што полицијата против возачот ќе поведе соодветна прекршочна постапка. Доколку сопственикот на возилото не ја исполни својата обврска, се соочува со парична казна од 100.000 до 120.000 динари, како физичко лице. Да нагласиме, тоа не е казна за прекршок направен со неговото возило, туку за недавање на бараните податоци за возачот. Исто така, во законот стои дека изјавата на возачот дека го управувал возилото мора да биде заверена на нотар“, вели нашиот соговорник и додава:
„Што се однесува до правните лица, за нив е предвидена глоба од 60.000 до 600.000 динари доколку не ги дадат бараните податоци за возачот.
Окановиќ посочува и дека се планирани уште некои камери, се со цел поголема безбедност во сообраќајот, како и намален број на сообраќајни незгоди.
„Во иднина ќе има системи кои ќе евидентираат поголем број прекршоци како недржење безбедно растојание, престигнување на места каде тоа не е дозволено, потоа не пропуштање на пешаци, забрането вртење“, вели тој.
Кои се казните за брзо возење?
- Казна од 3.000 динари е предвидена за пречекорување на дозволената брзина во населено место до 10 км/ч.
- Надминување на брзината од 11-20 км/ч - казна од 5.000 до 10.000 динари.
- Надминување на брзина од 21 км/ч - 50 км/ч - казна од 6.000 до 20.000 динари.
- Надминување на дозволената брзина од 51 km/h до 70 km/h – од 15.000 динари до 30.000 динари.
- Надминување на брзината над 70 км/ч - од 100.000 до 120.000 динари, со минимум 15 дена затвор и 14 казнени поени.
