„Катар ервејс“ (Qatar Airways) ќе ги обнови летовите меѓу Доха и Скопје во 2025 година после петгодишна пауза.
Авиокомпанијата планира да воведе „барем една нова рута“ до Скопје, што укажува на можноста оваа услуга да вклучува застанување во друг град или позиционирање на Скопје како транзитна точка до друга европска дестинација.
Претходно, Катар ервејс оперираше неколку линии во регионот со слични аранжмани. На пример, летовите до Загреб првично одеа преку Будимпешта, услугите за Белград беа оперирани преку Анкара, а подоцна и Софија, додека летовите до Букурешт вклучуваа попатна станица во бугарскиот главен град. Со текот на времето, сите овие правци беа надградени со директни летови, пишува Ex-Yu Aviation.
„Катар ервејс“ започна со работа кон Скопје во 2017 година, но ги прекина летовите до македонскиот главен град во март 2020 година на почетокот на пандемијата на коронавирус. Во тоа време, авиокомпанијата одржуваше три ротации неделно меѓу двата града користејќи авион Ербас А320.
Извор: mk.tv.21.tv
