На немажените жени на возраст над 30 години им е понудено дополнително отсуство од работа за да им се овозможи да дојдат до потенцијални партнери.
Две компании кои управуваат со тематскиот парк “Сонгченг“ во градот Хангџоу одлучија на работнички кои не се во брак да им дадат одличен подарок за Нова Година.
Наместо една недела платен одмор од 4. до 10. февруари што им следува на сите вработени во целата земја, немажените дами на овие две компании добија дополнително отсуство од работа во времетраење од уште една недела.
Како што објавија локалните медиуми, овој одмор може дополнително да биде продолжен доколку истото биде побарано од страна на работничките.
Дополнителна стимулација за работничките е и тоа што доколку се омажат до крајот на 2019 година, компаниите ќе им дадат покачување.
