На листата на занимања за кои нема доволно понуда на работна сила се наоѓаат голем број работни места за квалификувани работници.
Граѓанското здружение Привилег во соработка со официјалните институции на Австрија ја објави овогодинешната проширена листа на дефицитарни професии во земјата.
Имено, листата се прошири на 45 дефицитарни занимања, што е за 20 занимања повеќе во однос на минатата година.
Работниците од земјите кои не се членки на ЕУ можат да аплицираат за црвено-бело-црвена картка која се заснова на системот за бодување.
На листата со занимања се наоѓаат заварувачи, бравари, тесари, изолатери, керамичари, економисти за пресметка на плати...
Барањето за црвено-бело-црвена карта можат да го поднесат кандидати кои ги исполнуваат следните критериуми:
- стручно образование за едно од овие дефицитарни занимања (мора да се приложи диплома);
- задолжителна понуда за работа во Австрија за која ќе биде исплатена најмалку минимална плата пропишана со закон или колективен договор;
- потребен минимален број на бодови во бодовниот систем потребен за професионалците во дефицитарните занимања.
На листата со дефицитарни занимања за кои нема доволно домашна работна сила има и голем број професии за квалификувани работници, како што се металопреработувачите, машинските техничари, заварувачите, браварите, лимарите, техничарите за обработка на дрво итн.
ДЕФИЦИТАРНИ ЗАНИМАЊА ЗА 2019 ГОДИНА
- Металостругачи;
- Машински техничари;
- Изолатери;
- Електротехничари-инженери за енергетика;
- Конструктори на земјоделска менахизација;
- Стругари;
- Други техничари за енергетика;
- Инженери за информатичка технологија;
- Мајстори за изработка на кровови;
- Заварувачи;
- Техничари од други општи области;
- Општи машински техничари;
- Општи бравари;
- Бетонирачи;
- Тесари;
- Електроинсталатери, електромонтери;
- Општи лимари;
- Автомеханичари;
- Алатничари;
- Инсталатери и монтери на цевки;
- Лакери;
- Градежни столари;
- Керамичари;
- Колари;
- Општи електромашински техничари;
- Тапацери;
- Машински обработувачи на дрво;
- Дипломирани медицински сестри / техничари кои започнале со нострификација до крајот на 2018 година;
- Градежни лимари;
- Техничари-инженери за организирање на работата и индустриски менаџмент;
- Автолимари за каросерија и фрижидер;
- Оптичари;
- Столари за градежна столарија и мебел;
- Готвачи;
- Општи подополагачи;
- Машинобравари;
- Градежни бравари;
- Општи техничари;
- Општи инженери за организирање на работни процеси;
- Општи машински механичари;
- Пластичари;
- Градежни инженери;
- Економисти за обработка на плати;
- Општи градежни техничари;
- Електротехничари по електромеханика.
