Секој втор од пет вработени одбива да добие унапредување на работа во замена за поголем спектар на работни задачи.
Тоа го покажа годишниот извештај на консултантската компанија O.C.Tanner која се занимава со развој и мотивирање на вработените.
Имено, компанијата анкетираше повеќе од 14.000 вработени во 12 различни земји и резултатите покажаа дека вработените во своите компании би прифатиле можност да работат на различни проекти.
Всушност, станува збор за една нова генерација на вработени. Така, 52% од припадниците на т.н. генерација Z (генерациите родени во периодот од средината на 90-тите години до средината на 2000-тите години) и 45% од милениумците кои учествувале во истражувањето се изјасниле дека им е поважно да добијат можност да работат на повеќе различни проекти, отколку да добијат унапредување.
Дополнително, истражувањето покажа дека давајќи им можност на вработените да учествуваат на различни проекти, дури 50% од нив се чувствуваат како да учат нешто ново и корисно.
Во 26% од случаите вработените се чувствуваат ценети и успешни, а во исто време имаат став дека нивниот работодавач верува во нив.
