Луѓето кои во просек работат по еден 10-часовен работен ден неделно, имаат за една третина повисок ризик од срцев удар во споредба со некој со 8-часовно работно време, открива една француска студија.
Истражувачите, анализирајќи го влијанието на работните навики врз здравјето на кардиоваскуларниот систем, откриле дека луѓето кои велат дека работат 10 часа или повеќе најмалку 50 дена во годината имаат за 29 проценти поголема веројатност да добијат срцев удар.
Оние кои веќе подолго време работеле долги работни часови, во период од 10 години или повеќе се уште поизложени на ризик од срцев удар (дури 45 проценти).
Како доктор, ги советувам моите пациенти да работат поефикасно и да го слушаат мојот совет, вели водечкиот автор на студијата, Д-р. Алексис Деката од Францускиот национален институт за здравство и медицински истражувања.
Резултатите од ова истражување кое опфати 143.592 испитаници на возраст од 18 до 69 години кои биле следени во редовни интервали од 2012 година, би можеле да бидат уште позагрижувачки за Британците, кои имаат најдолго работно време во однос на другите нивни сограѓани во рамките на ЕУ.
Британските работници во просек работат по 42 часа неделно, во споредба со работниците во Франција, Италија и Белгија, каде што работната недела трае 39 часа. Во Данска, просекот е уште помал и изнесува само 37 часа.
Дополнително, Французите имаат и посебни заштитни мерки кои им даваат “право на исклучување“ надвор од работното време, кога компаниите се обврзани да не им вршат притисок на своите вработени да одговараат на е-пошта или да решаваат некои други прашања надвор од работното време.
Истражувањето покажа дека најголем ризик од срцев удар имаат помладите работници на возраст под 50 години.
