Досега нудеа награди од 200.000 американски долари
Технолошката компанија “Епл“ понуди рекордна награда од 1 милион американски долари за експерти за компјутерска безбедност кои ќе пронајдат начин да го хакираат iPhone.
На годишната конференција за компјутерска безбедност “Black Hat“ во Лас Вегас, Епл ги повика експертите од целиот свет да бараат безбедносни дупки во нивниот смартфон.
Но, наградата од 1 милион долари ќе ја добиете само доколку откриете начин за да го хакирате iPhone од далечина, без никакви активности од корисникот на телефонот.
Оваа акција Епл ја започна во 2016 година, а истата бележи голем успех бидејќи хакерите ширум светот само во последните три години пронашле 50 сериозни грешки во нивниот систем.
