Од 16. до 23. октомври Vrabotuvanje.com го организира првиот регионален онлајн саем за вработување каде сите активни и пасивни работобаратели кои сакаат да пронајдат (нова) работа ќе може да ја отворат веб страната www.denovizavrabotuvanje.mk и да ги посетат виртуелните штандови на најатрактивните компании за вработување во земјава и регионот.
Виртуелни денови за вработување претставува прв онлајн саем за работни места во Македонија кој на едно место ќе ги собере најатрактивните работодавачи во Македонија.
За време на саемот, со клик на веб страната www.denovizavrabotuvanje.mk ќе влезете во различни простории во зависност од индустријата во која припаѓа вашата професија. Кога ќе влезете во виртуелната просторија, ќе можете да се движите низ штандовите на компаниите, а во тој момент претставник на компанијата ќе ве поздрави преку функцијата за чет.
Имајте предвид дека работодавците кои ќе учествуваат на виртуелниот саем за вработување ќе бидат многу ангажирани. Тие се таму затоа што имаат потреба од нови вработени и сакаат да се впуштат во комуникација со потенцијални кандидати како вас.
Тоа значи дека можете директно да започнете комуникација со претставник од компанијата, а доколку сакате да истражите малку повеќе за самата компанија, можете да го направите тоа со клик на некој од останатите елементи на штандот како што се: за нас, галерија и зошто ние.
Во галерија ќе најдете слики и видеа од вработените и целокупната работна атмосфера во компанијата, а во делот за нас ќе прочитате повеќе информации за компанијата и процесот на вработување во истата.
Ако кликнете на полето зошто ние, ќе добиете увид во бенефициската програма и придобивките кои ги нуди компанијата, а ќе имате можност да прочитате и за искуствата на самите вработени во компанијата.
За крај, не заборавајте да ја отворите таблата со огласи бидејќи таму се наоѓаат отворените позиции на кои може да аплицирате за време на саемот.
На овогодинешниот виртуелен саем за вработување ќе имате можност да се запознаете со А1 Македонија, Кроациа Осигурување - Живот, Teleperformance, НЛБ Банка, Македонски Телеком, Van Hool, Apave, Asseco, Kromberg & Schubert, Lactalis, Marquardt, Nelt ST и голем број други компании во регионот.
16. – 23. ОКТОМВРИ 2019
ВЕ ОЧЕКУВАМЕ!
