Германија се соочува со хроничен недостиг на работна сила. Последните податоци говорат за околу 260 илјади непополнети работни места, а пред извесен од бирото за вработување информираа дека на земјата ќе и бидат потребни околу 400.000 доселеници годишно за да избегне нова рецесија.
Еден германски портал за вработување ни открива професии од кои може добро да се заработи и без факултетска диплома:
ПРОДАВАЧ НА ОСИГУРУВАЊЕ
Ако сакате да работите како продавач на осигурување, во повеќето случаи ви е потребна само диплома од средно образование со што е можно подобра завршна оценка. Нема да ви треба дополнителна стручна обука. На ова работно место може да се заработи од 1.800 до 2.700 евра (бруто).
СЛУЖБЕНИК ВО БАНКА
За да се вработите како службеник или банкар, потребно ви е средно образование и стручна обука. За време на вашето стручно оспособување, можете да заработите помеѓу 900 и 1.100 евра (бруто), а иницијалната бруто плата по успешно завршување на обуката е помеѓу 1.800 и 2.700 евра.
СЕКРЕТАР
Факултетската диплома за ова работно место не е задолжителна, а почетната плата се движи од 3.000 до 5.000 евра.
ПИЛОТ
За работа како пилот бараат диплома од средно училиште, како и образование кое трае од година и пол до три години. После тоа, почетната плата се движи од 2.000 до 5.000 евра, а искусните пилоти може да заработат износ до 10.000 евра.
КОНТРОЛОР НА ЛЕТАЊЕ
Една од најплатените професии во Германија со почетна бруто плата од околу 6.000 евра. Потребна ви е диплома за завршено средно образование и голем број професионални обуки во текот на кариерата.
