Новиот Закон за миграција на квалификувана работна сила ќе го олесни вработувањето во Германија на државјани од земји надвор од ЕУ.
Од 1 март 2020 година во Германија почнува да важи новиот Закон за миграција на квалификувана работна сила со кој се менува начинот на кој граѓаните од Западен Балкан ќе одат да работат во таа земја.
Некои од новитетите што ќе го олеснат вработувањето во Германија за државјаните од земји кои не се членки на ЕУ е укинувањето на испитот за бенефиции и побрзото доаѓање до виза за престој.
Од друга страна, постојат и некои ограничувања како што е тоа за лицата над 45-годишна возраст и потребното ниво на познавање на германскиот јазик што може значително да го отежни добивањето на работа во ветената земја.
Новиот Закон доаѓа по неможноста на германското стопанство да ги пополни непходните 1.2 милиони слободни работни места.
Како се движат платите во Германија?
Највисоки плати во оваа европска земја имаат поискусните доктори, кои годишно заработуваат околу 115.320 евра бруто.
По нив се професионалните стручни лица за продажба или аквизиција со заработка од 99.635 евра, па директори на фондови со 83.640 и лекари специјалисти со 80.720 евра годишно. Меѓу најплатените се наоѓаат и финансиско-сметководните менаџери, како и регионалните менаџери за продажба, пренесува агенцијата “Анадолија“.
Од друга страна, најслабо платени се работниците во кујна, чија годишна бруто плата изнесува 21.907 евра, по нив следуваат фризерите со 23.202 евра, келнерире или келнерките с0 23.620, работници во кол центри со 25.200 и рецепционери, со годишна заработка од 25.370 евра. Исто така меѓу најслабо платените во Германија се наоѓаат и работниците во благајни, стоматолошки асистенти, негувателки и шофери.
Минималната плата по час во Германија изнесува 9.19 евра.
