Одложувањето на плаќањето на обврските се однесува на периодот од 1 април. За март ратите по кредитите граѓаните требаше редовно да ги платат.
Меѓу 30 и 40 отсто од граѓаните не ја прифаќаат понудата на банките за одложување на плаќањето на обврските. Кај некои банки веќе рокот за пријавување заврши, кај некои треба да заврши деновиве и следната недела треба да се има конкретнтно колку од клиентие не ја прифатиле можноста за одолжување на обврските по кредитите.-Истраѓува Алсат
Банките во последните денови од март и првите денови од овој месец, а по донесување на Уредбата за олеснување на договорните услови на кредитите, со цел надминување и ублажување на негативните ефекти од кризната ситуација, на своите веб-страници објавија јавна понуда со услови за одложување на плаќањата на обврските по кредитите, кредитни картички и слично. Физичките лица, според објавата, требаше електронски или писмено, а во некои банки и телефонски, да ја информираат банката во зададениот рок, најчесто од 10 дена, доколку не ја прифаќаат понудата. Доколку не ја известат банката, понудата ќе се примени по автоматизам.
Од Комерцијална банка за МИА посочија дека рокот за одбивање на јавната понуда истекол на 9 април и дека 30 отсто од корисниците на кредит ја одбиле понудата.
Од Охридска банка велат дека рокот сè уште не е истечен, и дека ги немаат конкретните податоци, но оти очекуваат меѓу 30 и 40 проценти од корисниците на кредити да ја одбијат понудата.
Она на што имаа забелешки граѓаните во однос на понудата е што банките за време на периодот за кој ја даваат можноста за одложување на плаќањето на обврската на клиентот му пресметуваат камата.
Одложувањето на плаќањето на обврските се однесува на периодот од 1 април. За март ратите по кредитите граѓаните требаше редовно да ги платат.
