Повеќе од 10.000 вработени во туризмот во приморските градови во Словенија останале без работа поради епидемијата на корона вирусот и ограничувањето на движењето.
Како што информираат од Крајбрежната синдикална организација, во овој период лани, 54 отсто од сместувачките капацитети во приморските градови во земјата биле исполнети, а сега поради епидемијата тие се комплетно затворени.
Според најоптимистичките предвидувања, хотелите и рестораните во Копер, Изола, Пиран, Порторож и Анкаран ќе бидат отворени кон средината на мај.
Во Словенија веќе има идеја која се почесто се споменува во медиумите, а тоа е летните одмори Словенците да ги поминат дома во земјата и на тој начин директно да му помогнат на туризмот, тешко погоден од епидемијата на корона вирусот.
