Премиерката на Нов Зеланд, Џасинда Ардерн, објави дека таа, заедно со министрите во нејзината влада и сите директори на јавните институции, се откажуваат од 20 отсто од платите во наредните шест месеци.
Овој потег доаѓа во знак на солидарност со оние коишто се погодени од пандемијата на коронавирусот, објави Гардијан.
Ардерн изјави дека е важно највисоко платените членови на владата да покажат “лидерство и солидарност” со работниците на првата линија на фронтот и со оние што останале без средства за живот.
Затоа, Ардерн, министрите и извршните директори на јавните институции ќе земаат пониска плата во следните шест месеци, при што мерката ќе стапи на сила уште веднаш.
Премиерката на Нов Зеланд кажа дека намалувањето на платите нема да влијае на општата фискална позиција на владата.
Нов Зеланд веќе три денели е во целосна изолација, што значи дека никој не смее да ја напушти куќата, освен ако не се работи за итен случај или кратка прошетка.
Повеќе од 1.300 луѓе се заразени со коронавирусот во Нов Зеланд, додека бројот на жртви се искачи на деветмина. Гардијан пишува дека сите жртви се постари лица кои претходно имале и други здравствени проблеми.
.jpg)
