Светската здравствена организација (СЗО) објави денес дека според сите расположиви докази, коронавирусот потекнува од лилјак во Кина од минатата година и дека нема докази дека е создаден во лабораторија.
Претседателот на САД, Доналд Трамп минатата недела изјави дека неговата влада се обидува да открие дали вирусот потекнува од лабораторија во Вухан.
САД испитуваат дали коронавирусот е поврзан со Институтот за вирологија Вухан, кој ги проучува најопасните вируси.
„Сите расположиви докази сугерираат дека вирусот потекнува од животно и дека не бил свесно создаден или конструиран вирус во лабораторија или на друго место“, изјави за новинарите портпаролката на СЗО, Фадела Чаиб.
„Веројатно тоа е животински вирус“, рече таа.
Не е јасно како вирусот се пренесувал на човек, но „сигурно е“ дека пред да се пренесе на човекот, коронавирусот бил пренесен на друг животински вид.
Најчестите шпекулации се дека лилјакот бил заразен со коронавирусот од лушпар, цицач со кој нелегално се тргува затоа што се верува во традиционалната кинеска медицина дека има лековити лушпи.
.jpg)
