Истражувачи од CEO Genome Project спровеле 10-годишно истражување преку кое ги дефинираaт одликите на успешните извршни директори. Анализата открила дека иако често управите гравитираат кон харизматичен екстроверт, интровертите ги надминуваат очекувањата.
Образовното педигре не е поврзано со ефективноста. Само 7% од успешните извршни директори дипломирале на престижен колеџ, а дури 8% од нив не дипломирале на ниту еден колеџ.
Со други зборови, она што ги прави кандидатите привлечни за одборот не мора да ги прави успешни.
Ова се заклучоците од децениското истражување.
Брзо и самоуверено носење одлуки
Успешните директори не секогаш донесуваат целосно правилни одлуки, но тие се издвојуваат така што ги прават со поголема решеност. Тие донесуваат одлуки порано, побрзо и со поголема самодоверба. Луѓето кои се опишани како решителни, имаат дури 12 пати поголема веројатност да бидат одлични директори.
Тие се ангажирани и насочени кон постигнување деловни резултати
Откако извршните директори ќе го утврдат работниот тек, тие треба да го координираат ова со своите вработени и другите заинтересирани страни. Тие треба да бидат перцептивни во разбирањето на потребите и мотивациите на своите вработени и потоа да ги усогласат другите за да постигнат заедничка, посакувана цел. Според резултатите, извршните директори кои вешто ги ангажирале засегнатите страни, насочувајќи ги кон резултати, биле 75% поуспешни во нивната улога.
Проактивно прилагодување
Оваа 10-годишна анализа покажа дека извршните директори кои брзо се прилагодуваат на промена имаат 6,7 пати поголема шанса за успех. Дури и самите директори кои учествуваа во истражувањето ја потенцираа можноста да се прилагодат како клучна вештина. На прашањето што ги разликува ефективните извршни директори, Доминик Бартон, глобалниот партнер за управување со McKinsey & Company, веднаш рече: “Тие се занимаваат со ситуации што не се во книгата. Како извршен директор, постојано се соочувате со ситуации кои едноставно не постојат во книга. Бидете подготвени да се прилагодите“.
.jpg)
