Факт е дека оние работите што ќе ги направите пред спиење, можат да влијаат на тоа каков ќе ви биде следниот ден. Успешните луѓе добро знаат како да го почнат денот, но и како го да го завршат.
Поминуваат време со семејството и пријатели
Ако денот го посветувате на работните обврски, задолженијата во канцеларија или состаноци, тогаш попладневните и вечерните часови посветете им го на семејството и пријателите. Тоа се драгоцени моменти во коишто може да уживате, да ви биде пријатно, да разговарате за различни теми, да добиете инспирација или полесно да пронајдете решение за некој проблем на работа.
Одвојуваат време за омиленото хоби
Без оглед дали се работи за спортување, гледање филм, некое хоби што подразбира рачна изработка, прошетка на миленикот… успешните секогаш одвојуваат време за оние работи во коишто вистински уживаат. Иако во текот на денот немаат доволно време за себе, тогаш вечерните часови се вистински за уживање и правење на оние работи што ги прават среќни и исполнети.
Читаат пред спиење
Навика што треба да ја практикувате, особено ако одите во кревет со телефон или таблет. Наместо да го трошите времето на гледање фотографии или бесцелно гледање на она што го има на социјалните мрежи, може да прочитате некоја книга што и те како може да ви помогне, да ве релаксира пред спиење и да можете полесно и поубаво да заспиете.
Прават ретроспектива на денот што полека поминува
Успешните луѓе сакаат да прават анализи, да се навратат на сето она што го направиле во текот на денот, да увидат дали има некоја грешка и дали се донесени вистинските одлуки. Само така, ако бидете доволно самокритични, ќе научите од грешките, а добрите практики ќе ги применувате секогаш кога е тоа можно.
Ги планираат активностите за следниот ден
Успешните луѓе важат за добро организирани, па затоа е важно да направат добар план и програма за работите што треба да ги направат следниот ден. Кога пред себе имаат to do листа ќе можат полесно да го менаџираат времето и да успеат да ги завршат сите обврски коишто чекаат на нив.
.jpg)
