![Се отвора нова македонска компанија за производство на заштитни маски - „Ќе правиме маски кои ќе бидат достапни за граѓаните“](https://s.vrabotuvanje.com.mk/data/images/preview/article/4e/6e6ca2e4-resize-820x0x100.jpg)
Здравствената криза некогаш знае да биде и предизвик за бизнисот. Да се направи корисна работа за сограѓаните, и во исто време тоа да биде мудар и исплатлив деловен потфат.
Во услови на досега невидена економска и здравствена криза, тројца пријатели од Виница одлучија да вложат свои лични средства и ја основаа „Максигард“, нова фабрика за производство на маски.
Во фабриката во моментов се одвива пробната продукција, а со редовно производство треба да стартува веќе од наредната недела.
Фабриката е лоцирана во Виница, во халите на поранешниот текстилен гигант „Трико“, што значи дека станува збор за браунфилд инвестиција.
Во овој момент таа на Виница и донесе осум нови отворени работни места, но плановите се дека оваа бројка ќе биде зголемена до триесет нови вработувања.
Компанијата планира првично да го задоволи домашниот пазар со квалитетни и евтини маски, а вишокот на капацитет ќе оди за извоз на околните пазари, како и во Европската унија.
Целиот текст прочитајте го на faktor.mk