Пораснаа цените на нафтата

Цените на нафтата денеска пораснаа на меѓународните пазари на 66 долари, поттикнати од информациите дека водечките производители ќе продолжат да ги зголемуваат резервите и сигнализацијата дека ширењето на корона вирусот не би требало подолго време да ја кочи побарувачката во Индија.

На лондонскиот пазар цената на барелот порасна за 36 центи во однос на претходното затварање и изнесуваше 66.01 долари.

На американскиот пазар, пак, барел се тргуваше по 40 центи повисока цена, од 62.31 долари.

Експертите од Организацијата на земјите извозници на нафта (ОПЕК) изразија вчера загриженост заради порастот на бројот на новозаразени од корона вирус, но ја потврдија проценката на побарувачката во 2021 година, која би требало да расте за шест милиони барели дневно. Таа во 2019-та падна за 9,5 милиони барели дневно.

„Трговците не сакаат да го пропуштат состанокот на ОПЕК, затоа што може поволно да влијае на цените, а ограничениот оптимизам се одразува на нив. Но, ако ОПЕК ја игнорира состојбата во Индија, растот на цените брзо ќе се издува“, предупредува Бјорнар Тонхауген од „Рајстад Енерџи“.

Индија веќе неколку денови бележи повеќе од 300 илјади случаи на заболени со ковид-19 дневно, а бројот на смртни случаи се доближи до 200 илјади, потсетува Ројтерс.

Извор : https://aktuelno.mk/

Актуелно

Компаниите освен сметководител и адвокат ќе мора да ангажираат ИТ- професионалци за да напредуваат
Секоја компанија ќе мора да ангажира ИТ-професионалци или компанија за да може да се носи со предизвиците на новото време. И од бизнис-секторот се согласуваат дека дигитализацијата е клучна за подобрување на нивното работење, односно зголемување на ефикасноста, продуктивноста, конкурентноста и зголемување на можностите за извоз.
Цените на становите пораснаа, а кириите се за жалење
Во услови на економска неизвесност и инфлација, многу граѓани од Балканот се решаваат своите заштеди да ги инвестираат во недвижен имот, бидејќи го сметаат за најсигурна форма на инвестиција. Вложувањето во станови, куќи и деловен простор е тренд кој постојано расте, а со него растат и цените на недвижнините, што е очигледно во речиси сите големи градови.
Македонија изгубила голем дел од домашното производство на храна – се сади се помалку и помалку
Производството на пченица во Македонија е десеткувано, особено ако се погледнат бројките од пред 20 или 30 години. Состојбите не се подобри нуту кај производството на другите земјоделски култури, како сончогледот, тутунот, грозјето...
ДАЛИ ШЕНГЕН РЕЖИМОТ Е НА ЗАМИНУВАЊЕ: По Германија, и Холандија ги врати проверките на граничните премини
Холандската влада објави дека воведува дополнителни проверки на нејзините копнени граници за борба против нерегуларната миграција, слична на политиката што ја воведе Германија во септември. Тоа е најновиот потег на тврдодесничарската влада во земјата, чија цел е да ја заузда имиграцијата, додека антимигрантското расположение е во пораст низ Европа.
Казна од 45 евра за непоседување на зимска опрема во возилата
Од денес, 15-ти ноември 2024 година стапува на сила обврската за задолжително поседување на пропишана зимска опрема во моторните возила и мобилните машини. Доколку не се почитуваат правилата за користење и носење зимска опрема во возилата, кои се предвидени во Законот за безбедност на патниот сообраќај, согласно истиот, на секој возач кој постапува спротивно на одредбите ќе му биде издаден платен налог со глоба во износ од 45 евра во денарска противредност, односно ќе му се регистрираат 25 негативни бодови.
Дедо Мраз патува преку планини и езера
Дедо Мраз стигнува со соларен чамец за да ја подигне „божиќната пошта“ во Химелпфорт во Бранденбург. Таму веќе 40 години пристигнуваат детските писма со нивните желби.