Во Австрија, не можете толку лесно да го измамите вашиот шеф, бидејќи може да ангажира и детектив, кој точно ќе утврди дали болеста е лажна или оправдана.
Токму тоа се случи со 20-годишен маж од градот Велс во австриската сојузна држава Горна Австрија. Според медиумите, момчето често одело на боледување, што му станало сомнително на газдата, па решил да ангажира приватна агенција за детективи за да утврди каде оди неговиот „пациент“.
За да биде целосно сигурен дека неговиот вработен лажирал боледување, шефот одлучил детективите да го следат уште два дена. И во тие два дена, ритуалот беше ист: момчето поминуваше време во кафулињата поголемиот дел од денот и ноќта.
Убеден дека неговиот вработен „му го влече носот“, шефот решил да го отпушти и поднел тужба за надомест на штета од 7.983,30 евра. Бидејќи упорниот 20-годишник продолжи да тврди дека бил неоправдано отпуштен затоа што навистина бил болен, случајот заврши во Врховниот суд.
Но, бидејќи судот бил убеден дека тој е „лажен пациент“, тој пресудил во корист на работодавецот и наредил младичот да ги надомести трошоците за ангажирање на приватен детектив.
Според медиумите, во образложението на судот за пресудата се наведува дека работодавачот постапил правилно, затоа што работникот му дал причина за сомнеж поради неговите чести болести и дека ангажманот на агенција за детективи е целосно оправдан.
