![На Табановце и на Богородица за излез од државата се чека еден час](https://s.vrabotuvanje.com.mk/data/images/preview/article/f7/e6f69c7f-resize-820x0x100.jpg)
На граничните премини Богородица и Табановце, од македонска страна, за излез од државата се чека по еден час, а на Ќафасан 15 минути.
Како што информира Автомотосојузот на Македонија, на останатите гранични премини, од македонска страна, нема подолги задржувања за влез и излез од државата.
Зголемен е и интензитетот на сообраќај на патните правци надвор од градските средини.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Тоа посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.