Биткоинот денеска достигна рекордно високо ниво во последните шест месеци и се приближува до највисоката вредност во историјата, што ја достигна во април.
Најголемата криптовалута во светот порасна речиси четири проценти на 59,465 долари.
Тоа е највисоката вредност на биткоинот од средината на април, кога беше на рекордни 64.895 долари.
Американската комисија за хартии од вредност (КХВ) е подготвена да дозволи првиот американски биткоин ЕТФ (пасивен трговски фонд) да започне со тргување следната недела, наведува Блумберг.
Бен Каселин, раководител за истражување и стратегија на азиската берза за крипто-валути AAX, рече дека скокот на биткоинот над 59.000 долари не е произволен и дека долгорочните инвеститори го акумулираат веќе некое време.
„Се очекува значителен напредок да биде постигнат во четвртиот квартал околу Bitcoin ETF во Соединетите држави“, рече тој. Настаните дополнително беа поттикнати од твит од канцеларијата за образование за инвеститори на ДИК, рече тој.
