Пациентите со механичка поддршка на срце бараат ослободување од партиципацијата за лекување

Пациентите со механичка поддршка на срце повторно бараат од Министерството за здравство ослободување од партиципација за лекарските прегледи.

Здружението на граѓани со механичка потпора на срце упати барање за ослободување од партиципација за лекарските прегледи на пациентите со механичка потпора. Ние сме пациенти, кои имаат пумпа, која му помага на срцето да испумпа доволно крв за да можеме да преживееме до оној момент додека се најде трајно решение, односно до трансплантација или има шанса да заздрави сопственото срце.

Трошоците за лекување на пациентите со механичка потпора на срце, според претседателот на здружението „Храбро срце", се превисоки и поради тоа бараат ослободување од партиципацијата за лекување.

Трошоците се преголеми дури и за оние, кои се добро ситуирани. Не сме многу пациенти, на ниво на држава сме околу 15. Таа е бројката години наназад, согласно морталитетот и новооперираните, бидејќи се работи за една поспецифична болест, која што во нашата држава е релативно нова. Тие операции и зафати се прават неколку години. 

извор: novamakedonija.com.mk