Министерот за економија Крешник Бектеши и уште еднаш апелира да не се крева паника меѓу граѓаните зашто ценовни шокови нема да има.
- Убеден сум дека, како со овошјето и зеленчукот чија цена е намалена, така ќе се случи и со другите производи. Инспеткоратот е на терен, очекуваме благо намалување на цените како што е предвидено со Одлуката, напомена Бектеши.
Тој напмена дека не е момент да се манипулира со цените и дека ќе следат казни за трговците.
- Некои од трговците сами ги повлекле продуктите за да ги вратат назад со нови цени. Тоа нема да дозволиме да се случи. Не е време да се шпекулира и манипулира со зголемување на трошоците. Трговците ќе бидат санкционирани. Тие трговци што мислат дека може да манипулираат со граѓаните и институциите – ќе бидат санкционирани, рече министерот за економија Крешник Бектеши.
Казните се до 10 илјади евра за оние што се одлучиле да ги повлечат продуктите за да ги продаваат со зголемена цена.
.jpg)
