Од следната академска година Скопје добива Студентски културен центар

Студентите на најголемиот универзитет во земјава, Универзитетот „Св. Кирил и Методиј“ во Скопје, ќе добијат свој простор каде ќе можат да се дружат, работат, учат и забавуваат. Со стартот на следната академска година, Универзитетското студентско собрание (УСС) на УКИМ го најавува и отворањето на Студентскиот културен центар (СКЦ), кој ќе се наоѓа во склоп на студентскиот дом „Кузман Јосифовски – Питу“.

Студентскиот културен центар ќе претставува мултифункционален простор, каде младите ќе можат да работат и учат, но и да уживаат во богата културна програма креирана од самите студенти. Освен на „домашен терен“, мобилната опрема наменета за СКЦ ќе им овозможи на студентите да ги претстават своите таленти и на настани организирани во други градови и држави.

СКЦ – простор управуван од студентите за студентите

Студентскиот културен центар ќе биде простор управуван исклучиво од страна на студентите, согласно својата програма, дејствување и потреби. Овој простор на студентите ќе им овозможи да се организираат, дејствуваат и творат, вели за „Мета.мк“ Ева Цветковска, претседателка на Универзитетското студентско собрание на УКИМ.

Опремата и просторот на СКЦ ќе можат да ги користат сите студенти, без разлика на кој факултет студираат.

За програмата на центарот ќе се грижи координативен тим од студенти кои ќе ја креираат истата на неделно и месечно ниво.

Скопје има потреба од подобра културна програма

Во земјите од регионот, студентски културни центри функционираат со децении. Во Србија ги има неколку, лоцирани во речиси сите поголеми градови каде што има и факултети. Најстариот помеѓу нив, Белградскиот, е отворен пред повеќе од пет децении, во 1971 година.

Студентскиот културен центар ќе се наоѓа во просториите на канцелариите на УСС УКИМ, во палатата „Кузман“ во склоп на студентскиот дом „Кузман Јосифовски – Питу“.

Победничкото решение на студентките Елена Нестороска и Маја Попоска / фото: УСС УКИМ

Проектот „Студентски културен центар“ ќе има и своја мобилна варијанта, односно опремата наменета за физичкиот простор ќе биде подвижна. Ова подразбира дека студентите ќе можат своите изложби, концерти, претстави и работилници да ги презентираат во било кој град низ земјата и надвор.

Официјалното отворање на Студентскиот културен центар е планирано за во октомври, паралелно со почетокот на академската 2022/23 година.

извор: meta.mk

Актуелно

Работа во странство – колку чини сонот за подобар живот?
Многу македонски семејства денес живеат со приказната на гастарбајтерите – едни се во татковината, други се илјадници километри далеку во потрага по подобра иднина.
Шведската компанија Коордеа го одбележа својот 15-годишен јубилеј со незаборавна прослава
Коордеа, водечка шведска аутсорсинг компанија со седиште во Стокхолм и канцеларии во Тетово и Скопје на 1 ноември 2024 година ја прослави својата 15-та годишнина со незаборавен настан, на кој беа одбележани достигнувањата и успехот на компанијата. Основана во 2009 година, Коордеа прерасна од специјализиран снабдувач на сметководствени услуги за Нордискиот пазар во компанија што нуди широк спектар на услуги, вклучувајќи ИТ, маркетинг, дизајн, логистика и продажба.
Една од најсреќните земји во светот сега им плаќа на луѓето да се преселат таму: Еве зошто бараат нова популација
Има многу земји низ светот кои всушност даваат пари за да се преселите. Меѓу овие земји, таа е најбезбедната и една од најсреќните земји во светот.
Почна новогодишното украсување во Центар
Синоќа почна новогодишното украсување на улиците во главниот град, поточно оние под ингеренција на Општина Центар. Ќе има и новогодишен базар. Празничното украсување ќе се реализира на повеќе локации, со посебен акцент на познатите јавни простори како Сквер Јадран, Боемска, Сквер Капиштец и паркот Капиштец, кои ќе блеснат во светлоста на празниците.
Колку да се напумпаат гумите за безбедно возење во зима?
Возењето со недостаток на напумпани гуми зимно време значително го зголемува ризикот од сообраќајни несреќи поврзани со состојбата на гумите, покажаа истражувањата. Исправно напумпаните гуми не само што овозможуваат подобра контрола на снег, туку ја намалуваат потрошувачката на гориво и го продолжуваат векот на гумите.
Утревечер во Скопје се очекува снег!
Утре времето ќе биде претежно облачно со врнежи од дожд, попладне во западните делови ќе бидат пообилни (над 40 l/m 2 ). Ќе дува засилен јужен ветер, кој во текот на ноќта ќе го промени правецот во северен (над 70 km/h).