Косовската Влада усвои нацрт-закон за минимална плата од 250 евра

Владата на Косово усвои денеска нацрт-закон кој се однесува на измените и дополнувањата на законите со кои се отвора патот на зголемувањето на минималната месечна плата на 250 евра нето, односно 264 евра бруто, јави дописникот на МИА од Приштина.

Министерот за финансии, Хекуран Мурати, кој го образложи предлогот, изрази уверување дека Собрнието ќе го изгласа владиниот предлог, со кој се одредува минималниот надоместок за работен час да изнесува 1,5 евра.

Мурати рече дека со нацрт законот се настојува да се елиминира правната несигурност околу минималната плата на национално ниво.

– Нацрт-законот има за цел да ги дополни и измени законите кои ја поврзуваат сумата на бенифиции или надоместоци со минималната плата, како и да го промени даночниот степен на личните примања. Минималната плата е инструмент на пазарот на труд и треба да служи замо за таа функција, рече Мурати.

Со нацрт законот исто така е предвидено да не се плаќа данок на личните примања до 3.000 евра годишно, односно 250 евра месечно.

извор: frontline.mk

Актуелно

Времето денеска: Претпладне променливо облачно, попладне поведро
Во сабота во претпладневните часови времето ќе биде променливо облачно со повремен снег, претежно во западните делови.
OpenAI почнува бесплатен курс за вештачка интелигенција за наставници
„Опен АИ“ вложува повеќе напори да ја истакне позитивната улога на „Чет-ГПТ“ во образованието, чие лансирање во ноември 2022 година го започна „лудилото“ на вештачката интелигенција и ја направи една од најбрзорастечките апликации во светот.
Шведската компанија Коордеа го одбележа својот 15-годишен јубилеј со незаборавна прослава
Коордеа, водечка шведска аутсорсинг компанија со седиште во Стокхолм и канцеларии во Тетово и Скопје на 1 ноември 2024 година ја прослави својата 15-та годишнина со незаборавен настан, на кој беа одбележани достигнувањата и успехот на компанијата. Основана во 2009 година, Коордеа прерасна од специјализиран снабдувач на сметководствени услуги за Нордискиот пазар во компанија што нуди широк спектар на услуги, вклучувајќи ИТ, маркетинг, дизајн, логистика и продажба.
Почна сезоната на чварките – еден грам чини еден денар
Во скопските месарници почнаа да се продаваат свежо подготвени домашни чварки, направени од чисто свинско месо и по традиционален рецепт.
Вештачка интелигенција на работното место: Дали „Microsoft Copilot“ полека ги заменува вашите колеги?
Неколку недели откако ги направи „Copilot AI“ функциите бесплатни за „Microsoft 365“ (наследникот на „Office“) за корисниците во одредени делови од Азија и Океанија, „Microsoft“ на конференцијата „Ignite“ објави дека значително ги проширува можностите на „Copilot„ и „AI“ во своите апликации.
Еврото падна на најниско ниво во последните две години во однос на доларот
Еврото денеска падна на најниско ниво во последните две години во однос на доларот, откако најновите податоци покажаа дека деловната активност во еврозоната нагло паднала во ноември.