Руски синџир за брза храна, кој го презема „Мекдоналдс“ во Русија, го откри своето ново лого додека се подготвува за повторно отворање на ребрендираните ресторани.
Руската државна новинска агенција ТАСС објави дека од недела ќе бидат отворени 15 ресторани во сопственост на компанијата која управувала со бизнисот на „Мекдоналдс“, кои сега се со ново име и ново лого.
Логото на новиот синџир ресторани за брза храна содржи круг и две линии, за кои се вели дека претставуваат хамбургер и две компирчиња помфрит.
„Зелената позадина на логото го симболизира квалитетот на производите и услугите на кои се навикнати нашите гости“, рече портпаролот на компанијата за управување со ресторани.
Корисниците на социјалните мрежи коментираат дека новото лого сепак изгледа како „М“.
Други рекоа дека новото лого се чини дека е инспирирано од знамето на Бангладеш, кое исто така има темно зелена позадина и црвен круг.
Компанијата се уште не го открила името на синџирот, а според Би-Би-Си, разгледани се неколку опции.
