Австриската компанија за производство на компоненти и системи за цивилната воздухопловна индустрија FACC официјално ја отвори својата фабрика во Хрватска во градот Јаковље, недалеку од Загреб
На отворањето присуствуваше премиерот на Хрватска Андреј Пленковиќ и менаџментот на австриската компанија која од 2009 година е во сопственост на кинескиот воздухопловно-индустриски конгломерат AVIC.
FACC ќе произведува компоненти за внатрешноста на кабините патничките и приватните авиони во Хрватска. На свеченоста беше истакнато дека компанијата планира со 2025 година да достигне 600 вработени во Јаковље од сегашните 170.
Изградбата на фабриката траеше 10 месеци, а хрватската локација ќе биде шеста по ред во глобалното производствено портфолио на компанијата.
- Одличната инфраструктура, близината до Загреб, високо обучените експерти, универзитетите во областа со специјалисти од повеќе области и одличните логистички врски со корпоративната база на FACC и европските клиенти се главните причини зошто ја избравме Хрватска. - изјави директорот на компанијата Роберт Махтлингер, кој го искористи своето запознавање со Феликс Баумгартнер, кој долета од Австрија со хеликоптер и ја отвори фабриката.
Според FACC, фазата 1 од фабриката чинела 15 милиони евра и претставува најголема гринфилд инвестиција надвор од Австрија за компанијата. Фабриката е изградена модуларно и во иднина ќе се надградува во уште две фази.
.jpg)
