Доларот и еврото се приближуваат до паритет еден на еден за прв пат по околу две децении. Еврото ослабе, но може да падне за уште 10 отсто, објави банката Сосиете Женерал.
Тежината на енергетската криза во Европа и одговорот на Европската централна банка за намалување на обврзниците ја влечат заедничката валута.
Сето тоа го прави еврото „некупливо“ во моментот, бидејќи заедничката валута вчера падна за уште 1% и се движи под 1,02 долари за прв пат од ноември 2002 година.
Главниот валутен стратег на SocGen го посочи рускиот гасовод како една потенцијална болна точка.
„Енергетската зависност на Европа од Русија се намалува, но не доволно брзо за да се избегне рецесија доколку гасоводот биде затворен. Ако тоа се случи, EUR/USD најверојатно ќе изгуби уште околу 10%“, напиша тој.
Во тоа сценарио, еврото би можело дури и да потоне под паритет од 0,9 во однос на доларот, изјави шефот на портфолиото на BlueBay Asset Management во вчерашното интервју за Bloomberg.
