Стивен Бет, поранешен полицаец и комесар за криминал во Норфолк, изградил барикада од сено за да го блокира погледот на соседот кон неговиот имот. Бет прво засадил дрвја за да се заштити од љубопитните погледи, но тие биле исечени, за што го обвинил својот прв сосед.
Иако виновникот никогаш не бил пронајден, Бет не се откажал од идејата дека тоа го направил неговиот прв сосед Џон Тарнер, кој живее во куќата со мајката. Затоа, како чин на одмазда, изградил ѕид од сено по должината на задната градина на соседот.
Бет има огромен имот со замок од 18 век, додека Тарнер има поскромна куќа во слепа улица. Тарнер, кој е старател на неговата мајка, имал конфликт со соседот поради ова прашање. Кога првпат бил изграден ѕидот со бали, тој втрчал да се пожали, а потоа се вратил и го срушил ѕидот со тоа што ги соборил горните бали. Оттогаш, ѕидот е повторно изграден и зајакнат за да биде поцврст и потешко да се урне.
„Тој сака поглед на мојот имот, но јас не сакам да гледам во неговиот имот. Си ја пресече живата ограда, на што има право. Не би се обидел да го спречам. Но да кажам дека му го расипувам погледот е сосема погрешно. Јас го штитам мојот поглед. Тоа е моја сопственост. Зошто да не го правам тоа? изјавил Бет за ситуацијата.
извор: kanal5.com.mk
.jpg)
