Совети како помалку да фрлате храна и да заштедите пари

Храната станува сè поскапа, а со менување на секојдневните навики можете да го намалите отпадот на минимум.

Користете ги овие совети за да потрошите помалку пари и повеќе да ја користите купената храна.

Планирајте го пазарењето однапред

Купувајте еднаш неделно и планирајте ги оброците за цела недела. Проверете ја храната во фрижидерот и на полиците, дури потоа направете список со преостанатите потребни намирници. Понесете го списокот со себе и не купувајте кога сте гладни бидејќи тогаш ќе купите повеќе отколку што ви треба. Купувајте овошје и зеленчук кои не се претходно пакувани за да можете да купите онолку колку што ви треба.

Проверете ги датумите на пакувањата

Доколку немате намера веднаш да јадете одредени намирници со краток рок на траење, побарајте ги оние со подолг рок на траење или едноставно купете ги кога ви требаат. Обрнете внимание на значењето на датумите на етикетите: „користете до“ значи дека храната (на пр. месо или риба) е безбедна за јадење до наведениот датум, додека „најдобро пред“ значи датум до кој производот го задржува очекуваниот квалитет. Прехранбените производи се безбедни за употреба дури и по датумот наведен на етикетата „најдобро пред“.

Бидете свесни за сопствениот буџет

Неделното планирање ви дава простор да ги пресметате сопствените можности, а трошењето храна е исто така трошење пари. Грижете се за вашиот неделен буџет и храна што можеби ја имате прекумерно.

Одржувајте го фрижидерот и температурата

Проверете дали вашиот фрижидер работи правилно и дека нема таложено мраз што може да го попречи неговото работење. Одржувајте ја температурата до 5 Целзиусови степени, тоа е идеална температура за чување храна.

Проверете го начинот на чување

На пакувањето на храната секогаш се означува идеалниот начин за нејзино складирање и чување. Следете ги упатствата за да ја одржувате храната свежа најдолго.

Ротирајте ја храната во фрижидерот

Кога купувате нови намирници, ставете ги зад старата храна во фрижидер за да не бидат заборавени и мувлосани оние што веќе биле во него.

Послужете помали количини

Намалете ги порциите за да не остане храна, со разбирање дека секој може да земе дополнителна порција ако сака.

Користете ги остатоците

Наместо да ги фрлате остатоците во ѓубре, искористете ги за ручек или вечера следниот ден или замрзнете ги. Омекнатото овошје може да се користи за правење овошни сокови или пити, а помалку свежиот зеленчук за подготовка на супа.

Замрзнувајте храна

Доколку ви е доволна помала количина леб, остатокот замрзнете го и извадете ја потребната количина неколку часа пред оброкот. Исто така, замрзнете го вишокот варена храна и на тој начин обезбедете готов оброк во деновите кога сте премногу уморни за готвење.

извор: kajgana.com

Занимливости

Новото истражување покажа дека мажите се почувствителни на болка од жените
Долго време, дебатата за перцепцијата на болката меѓу мажите и жените е предмет на проучување во областа на медицината и психологијата.
Збор на годината на „Речникот Колинс“ е: „brat“
Зборот што ја одбележа 2024 година, според англискиот „Речник Колинс“ е именката „brat“. Поимот, според Речникот, означува „самодоверба, независност и хедонистички став“, а доколку се користи за млади, именката се однесува на „неприспособлив, невоспитан, разгален“. Во буквален превод на македонски, овој збор значи: „детиште“.
Една од најсреќните земји во светот сега плаќа на луѓето да се преселат таму
Швајцарската влада ги повикува младите лица под 45 години да добијат 20.000 CHF (21.500 евра), плус дополнителни 10.000 CHF (10.800 евра) за секое дете, доколку се населат во алпското село Албинен.
Зошто лебот не треба да се чува во пластични кеси?
Многу луѓе сметаат дека пластичните кеси се практично решение за чување на остатоците од лебот, бидејќи тие помагаат да остане свеж. Сепак, ова не е најдобриот начин да се зачува квалитетот на лебот.
Цел живот погрешно играме „Монопол“: Дали ги знаете овие правила?
Класичната друштвена игра „Монопол“, за која често се мисли дека е бесконечна, всушност, има крај кој не вклучува само расправии околу улогата на банкарот или спорови околу „киријата“ по стапнувањето на туѓ имот. И покрај многуте тематски изданија, основните правила остануваат исти. Официјалните упатства опфаќаат сценарија, на пример, што да се прави кога банката ќе остане без пари и можноста за собирање пари во затвор.
Постојат ли езера без дно?
Езерата со импресивни длабочини или уникатни геолошки карактеристики честопати се погрешно претставени како „езера без дно“.