Секое четврто пиво произведено во ЕУ доаѓа од Германија

Во 2021 година, земјите-членки на Европската унија произвеле 33,1 милијарди литри пиво што содржи алкохол и речиси 1,7 милијарди литри од овој пијалок што содржел помалку од 0,5 проценти или целосно без алкохол, покажуваат податоците на Канцеларијата за статистика на ЕУ (Еуростат).

Меѓу членките на ЕУ чии податоци се достапни, Германија беше најголем производител во 2021 година, како и во 2020 година, со 7,5 милијарди литри (23 отсто од вкупното производство во ЕУ). Тоа значи дека приближно секое четврто алкохолно пиво произведено во ЕУ потекнува од оваа земја.

По Германија следуваат Полска и Шпанија, и двете со по 3,7 милијарди литри произведени или 11 отсто од вкупното производство на ЕУ, а потоа Холандија со 2,5 милијарди литри (седум отсто). Овие четири земји заедно произведуваат 52 отсто од пивото што доаѓа од ЕУ.

Трговските податоци на Евростат покажуваат дека Холандија продолжила да води на листата на најголеми извозници на пиво што содржи алкохол во 2021 година. Имено, лани од таа земја се извезени вкупно 1,9 милијарди литри алкохолно пиво, што претставува 21 отсто од вкупниот извоз на пиво во ЕУ.

Следат Белгија (1,7 милијарди литри; 19 проценти) и Германија (1,6 милијарди литри; 17 проценти), а потоа Франција и Чешка (и двете 0,5 милијарди литри; шест проценти).

Кога станува збор за главните дестинации за извоз на пиво во земјите кои не се членки на ЕУ, најголеми партнери биле Велика Британија (902 милиони литри; 22 отсто од вкупниот извоз на пиво надвор од ЕУ) и САД (765 милиони литри; 19 отсто), следени од Русија (391 милиони литри; девет проценти), Кина (340 милиони литри; осум проценти) и Јужна Кореја (168 милиони литри; четири проценти).

Во однос на увозот, Франција продолжи да биде најголемиот увозник на пиво што содржи алкохол во 2021 година, со 0,8 милијарди литри, што претставува 16 отсто од вкупниот увоз во ЕУ. Италија и Германија увезоа речиси 0,7 милијарди литри (13 проценти), а потоа следат Холандија (0,6 милијарди литри; 12 проценти) и Шпанија (0,5 милијарди литри; 10 проценти).

Увозот на пиво што содржи алкохол од земји надвор од ЕУ е маргинален во споредба со трговијата внатре во ЕУ. Меѓутоа, во тој сегмент, членките на ЕУ ги фаворизираа британското (248 милиони литри; 47 проценти од вкупниот увоз на пиво) и мексиканското пиво (122 милиони литри; 23 проценти) во 2021 година.

На листата на најдобри увозни партнери следат пивата од Србија (46 милиони литри; девет проценти од вкупниот увоз на пиво во ЕУ), Белорусија (26 милиони литри; пет проценти) и Украина (17 милиони литри; три проценти), но со многу помали вредности.

извор: biznisinfo.mk

Занимливости

Една од најсреќните земји во светот сега плаќа на луѓето да се преселат таму
Швајцарската влада ги повикува младите лица под 45 години да добијат 20.000 CHF (21.500 евра), плус дополнителни 10.000 CHF (10.800 евра) за секое дете, доколку се населат во алпското село Албинен.
Зошто лебот не треба да се чува во пластични кеси?
Многу луѓе сметаат дека пластичните кеси се практично решение за чување на остатоците од лебот, бидејќи тие помагаат да остане свеж. Сепак, ова не е најдобриот начин да се зачува квалитетот на лебот.
Цел живот погрешно играме „Монопол“: Дали ги знаете овие правила?
Класичната друштвена игра „Монопол“, за која често се мисли дека е бесконечна, всушност, има крај кој не вклучува само расправии околу улогата на банкарот или спорови околу „киријата“ по стапнувањето на туѓ имот. И покрај многуте тематски изданија, основните правила остануваат исти. Официјалните упатства опфаќаат сценарија, на пример, што да се прави кога банката ќе остане без пари и можноста за собирање пари во затвор.
Постојат ли езера без дно?
Езерата со импресивни длабочини или уникатни геолошки карактеристики честопати се погрешно претставени како „езера без дно“.
НАСА објави нови прекрасни фотографии од Јупитер
Вселенското летало „Juno“ на НАСА помина огромно растојание во период од пет години за да стигне до орбитата на Јупитер, а долгото патување се исплатеше.
Се будите помеѓу 3 и 5 часот наутро? Телото има порака
Дали ви се случува да се будите многу често, да не речам секоја вечер, помеѓу 3 и 5 часот наутро? Знаете дека не сте јаделе или пиеле многу пред спиење, па телото нема причина да се разбуди, а сепак, нешто го вознемирува… Причината е невообичаена, донекаде неверојатна.