ИНФОРМАЦИЈА ОД УХМР ЗА НЕСТАБИЛНО ВРЕМЕ (пороен дожд, грмежи, ветер и услови за краткотрајно невреме).
Денес попладне и во деновите од викендов ќе преовладува променливо облачно време, наместа нестабилно со пороен дожд, грмежи и засилен ветер. Локално, особено утре ќе има услови за појава на краткотрајно невреме со силни електрични празнења, силен ветер и изолирана појава на град.
И во Скопската Котлина ќе преовладува променливо облачно време со повремен пороен дожд, грмежи и засилен ветер, утре со услови за појава на краткотрајно невреме.
Во недела и понеделник ќе дува засилен северозападен ветер што ќе услови мало опаѓање на температурите.
Препорака: Во случај на појава на електрични празнења се препорачува поголема внимателност, да не се престојува на отворен простор и под осамени дрвја.
извор: centar.mk
