Донесена е одлука која гласи дека државата ќе мора да ги покрие долговите за електрична енергија на оние клучни институции кои имале објективни причини за такво нешто. Оние институции кај кои не постојат објективни причини за неплаќањето на сметките, ќе сносат одговорност.
„Како може со години да не се плати струја што е недомаќинско однесување на дел од раководителите на тие институции. Кај дел има и објективни фактори на пример здравствените институции беа оптоварени со многу трошоци во текот на корона кризата. Не се толерираат директори кои не плаќале струја затоа што сметале дека нивните институции не можат да останат без струја само затоа што се од витално значење“, изјавија од Владата, одговарајќи на новинарски прашања по денешната прес-конференција.
извор: biznisinfo.mk
