Светски гламур, убави луѓе, многу сцени за уживање... Но, како беше зад сцената на спектакуларното модно шоу Diamond Sensation на Sara Fashion

„Тимската работа е клучна – а тоа е нашиот адут. Секој сектор и секој вработен овие 19 години допринесе за прекрасната приказна која трае..“

19 години бренд, 19 години успешна македонска приказна, 19 години Sara Fashion! Овој голем јубилеј беше прославен со спектакуларното модно шоу Diamond Sensation, на кое Sara Fashion ја презентира најновата колекција есен-зима 2018/2019 пред сите свои соработници и потрошувачи.

За ревијата се зборуваше, се зборува и ќе се зборува. Но, она што никој не го знае е како е да се биде зад сцената, колку труд и вредни раце од тимот на Sara Fashion беа вклучени во целата организација, колку време им требаше, како знаат дека успешно „завршиле работа“...

Поразговаравме со маркетинг тимот на Sara Fashion на оваа тема, а тие ни открија интересни работи кои може да ги прочитате во продолжение:

Која е тајната за светскиот изглед на ревијата?

Работа и трпение. Истрајност. Се она што човекот сака да го направи – може. Така и нашите вработени. Имаме јасна визија и мисија која сакаме, а воедно и даваме се од себе да ја исполниме. Тимската работа е клучна – а тоа е нашиот адут.

Што е она што се случуваше зад сцената а само вие го знаете?

Проби. Поготовки. Растрчани манекенки за да стигнат со фрузура и шминка. Вработени од Сара Фешн кои координираат се да биде во најдобар ред. Соработници поставени на своите позиции кои снимаат, монтираат, режираат, свират и пејат. Сите на купче. Од утро, до ручек и јадење, се заедно. Насмеани и со нетрпение го очекуваме финалниот изглед – модното шоу.

Колку време ви требаше за подготовките?

Многу, а сепак малку. Постојано споделуваме идеи и се подготвуваме – еве и сега учиме за следното шоу – како подобри и како посилни. Значи година полна со идеи, а месеци со вистинска работа и реализација.

Колку луѓе беа вклучени во целата организација?

Повеќе од 40 модели од Македонија и Србија, повеќе од 70 соработници директни и индеиректни.. бројката се движи над 150.

Целиот тим на Sara Fashion кој работеше на колекцијата, ревијата и настанот како и целиот тим на колеги - секој сектор и секој вработен овие 19 години допринесе за прекрасната приказна која трае.. модниот дизајнер Ивана Кнез и нејзиниот тим, тимот на естрадниот магазин Бекстејџ, водителката Марјана Станојковска, тимот танчери, музичарите Јана Бурческа, Виктор Апостоловски, бендот Роки 007, диџејот TeboNegett, шминка и фризура ФРАН и ателје Тренв, поддржувачите на целиот настан Stobi Winery - Винарија Стоби, Кожувчанка, Водка, Пелинковац, енергетски пијалак, Toyota, Park Restaurant / Парк Ресторан, фотографи Ани и Дими и уште мнооогу други.

Колку и кои вработени од Sara Fashion?

За време на ревијата се задолжени членовите од менаџментот, маркетинг секторот и секторот за моден дизајн, кои воедно се задолжени за целокупниот настан, модели, концепти, дизајни, идеи и сл. Сите меѓусебно си помагаат. Дополнително тука се и тимовите од продажба и дистрибуција на самото место на настанот за да ги здружат силите. Додека подговотвките за ревијата доаѓаат од сите – продажба, набавка, увоз – извоз.. секој по малку – за целата фотографија да е комплетна.

6. Дали размислувате за вакви ревии од отворен тип?
Зошто да не, среќни сме со големата заинтересираност за следење на нашето шоу – можеби во иднина ќе работиме и на таков проект.

7. Како знаете дека добро сте си ја завршиле работата?
Задоволни се вработените, задоволен е менаџментот, задоволни се гостите и соработниците, следбениците и нашите сакани потрошувачи. Искрената честитка и нивните лица говорат се – а тие се и нашиот мотив – следната година – уште поголемо и сензационално шоу.