Дали често се чувствувате како да оставате неверојатна сума пари на аеродромот?
Експертите за летови анализираа седум ставки за трошоците за 20-те најважни аеродроми во Европа – вклучувајќи долгорочен паркинг, такси, билети за локален транспорт, ноќевање во хотел на аеродромот, како и кафе и сендвич по сигурносната контрола.
Резултатот од анализата е јасен: аеродромот во Минхен е најскап во Германија и трет најскап во цела Европа.
Два германски аеродроми се на оваа листа на најскапи аеродроми во Европа.
Возењето со воз до аеродромот во Минхен ги чини патниците 13 евра, а такси околу 70 евра, покажала анализата на цените, пренесува Б92.
Доколку сакате да го паркирате автомобилот на аеродром 24 часа, ќе платите 39 евра.
Во Осло, патниците треба да издвојат неверојатни 90 евра за еднонасочно возење со такси и 44 евра за 24-часовен паркинг.
Листата на најскапите аеродроми во Европа изгледа вака:
1. Осло
2. Брисел
3. Минхен
4. Лондон
5. Берлин
Големи разлики во цените на храната и пијалоците
На аеродромите, по безбедносните пунктови, често се зголемуваат цените на прехранбените производи како кафе и хамбургери. Тоа е затоа што и тие се предмет на построги безбедносни мерки поради нивната ексклузивна локација.
Еден оброк е особено скап во Даблин, каде што еден хамбургер чини 8,45 евра. Оброкот е најевтин во Истанбул и чини околу 2,66 евра. Кафето е релативно скапо во Даблин и изнесува 4,18 евра.
Извор: biznisinfo.mk
