Новата функција има за цел да им олесни на корисниците да разговараат со луѓе од непознати телефонски броеви.
Популарната апликација за пораки „WhatsApp“ неодамна објави нова функција која го поедноставува започнувањето разговори со непознати корисници дозволувајќи им на луѓето да го бараат нивниот телефонски број директно во апликацијата.
Според „WABetaInfo“, овој корисен приклучок има за цел да обезбеди полесен и поприватен начин за корисниците да се вклучат во разговори без да мора да зачувуваат непознати контакти во нивните телефони.
Функцијата сега е достапна за корисниците кои ја ажурирале својата апликација „WhatsApp“ на најновата верзија за платформите „Android“ и „iOS“.
Споменатата опција ја елиминира потребата од користење на надворешни апликации или официјални „click-to-chat API“ и го поедноставува процесот за корисниците кои претходно се соочиле со границите на започнување разговори со непознати луѓе.
За да ја користите функцијата, треба да го притиснете копчето „започни нов разговор“ во списокот за разговори и да внесете непознат број во полето за пребарување. „WhatsApp“ прво ќе пребарува дали бројот е во вашата листа или не, а ако не е, пребарувањето ќе продолжи надвор од вашата листа со контакти.
Функцијата не е ограничена само на бета корисниците на „WhatsApp“, па сега е широко достапна за сите што ја инсталирале најновата стабилна верзија на „WhatsApp“ за „iOS“ и „Android“.
