Дали парите можат да купат среќа? Не мора. Неколку студии ја истражуваа врската помеѓу платата и задоволството, и излезе дека сумата потребна за да се направи една личност да се чувствува среќна и задоволна е далеку под онаа на Илон Маск или Џеф Безос. Студијата ја спроведе нобеловецот Ангус Дитон.
Дитон и неговиот колега економист Даниел Канеман заклучија дека можете да го достигнете врвот на среќата со годишен приход од 75.000 долари. Повеќе од тоа нема да ве направи посреќни. Дитон и Канеман веруваат дека станува тешко да се зголеми способноста да се прават работите што ве прават среќни кога заработувате повеќе од таа сума, пренесува MSN.
Кога ќе дојдете до точка каде што се покриени сите основни потреби, нема многу простор за купување работи што ќе ве направат посреќни. Вашето слободно време, здравје или односи престануваат да се подобруваат со иста стапка како и вашиот приход.
Сепак, 75.000 долари годишно е реалност само во богатите земји. Овој вид на плата е речиси невозможен во земја во развој. Понатаму, Дитон ги направи своите пресметки уште во 2010 година. Во една неодамнешна студија, цитирана од Business Insider, Метју Килингсворт ја зголеми сумата на 85.000 долари..
Економистот Сет Стивенс-Давидовиц тврдеше дека Др. Килингсворт исто така ја отфрли идејата на Дитон. Тој открил дека е можно да се зголеми среќата по 75.000 долари. Сепак, „мора да продолжите да ги удвојувате приходите за да го добиете истото зголемување на среќата“, напиша Стивенс-Давидовиц во Њујорк Тајмс.
Стивенс-Давидовиц исто така сугерираше дека зголемувањето на среќата може да се врати штом ќе ја достигнете границата од 8 милиони долари.
-Студијата на илјадници милионери предводена од истражувачи од бизнис школата на Харвард откри зголемување на среќата кога нето вредноста се искачи над 8 милиони долари – напиша тој.
Но, ефектот беше мал: Нето вредност од 8 милиони долари нуди зголемување на среќата што е околу половина од онааа во бракот, додава Стивенс-Давидовиц.
Вашата среќа и тага се врзани и за туѓите плати. Професорот по психологија Жан Твенге во The Conversation напиша: „Едно истражување покажа дека луѓето кои живеат во земји со поголема нееднаквост во приходите се помалку среќни“.
Според Извештајот на ОН за најсреќните луѓе во светот, богатите земји со подобра распределба на богатството имаат посреќни граѓани. Ова е случај со земји како Финска, Данска, Исланд и Швајцарија.
Во најсреќните земји на скалата, просечната плата е околу 68.000 долари годишно. Идејата дека можете да најдете повеќе радост без материјални добра е погрешна. Сите студии се согласуваат: иако да се биде богат нема да ве направи посреќен, да сте сиромашни ќе ве направи уште помалку среќни.
На крајот, среќата не е поврзана со парите. Светскиот извештај за среќа на ОН ги смета приходот по глава на жител и очекуваниот животен век како важни фактори. Но, социјалната поддршка, слободата и дарежливоста можат да бидат исто толку важни.
Извор: denar.mk
