Килограм пиперки достигна до 170 денари во маркетите. На зелените пазари цените се нешто пониски, но и таму се движат од 60 до 100 денари за килограм. Овие цени ги шокираа граѓаните особено што во исто време паѓаат цените на доматите.
Граѓаните се шокирани од цените на зелените пазари и во маркетите и велат дека со овие цени на пиперките, кои се продаваат за над 100 денари за килограм, тешко дека ќе прават ајвар годинава. Велат дека во овој период, кога има најголема понуда на домашен зеленчук, цените се како во февруари, кога се увезува.
– Ако сега, во екот на сезоната, ни продаваат по вакви цени, не се осмелувам да замислам колку ќе бидат цените во септември, кога правиме зимници. Ќе се откажеме и од традицијата на правење домашен ајвар. Ќе купиме од маркет една-две тегли, колку да пробаме – вели една скопјанка.
Извор: iportal.mk
