Корисничка на Твитер објавила скриншот од апликацијата за временска прогноза „AccuWeather“ на кој се наоѓа симбол којшто ја збунил.
„Првпат го гледам овој симбол за временска прогноза“, напишала таа.
Објавата привлекла огромно внимание и многу коментари
Знакот наликува на оној за бесконечност, а под него и над него се наоѓаат по четири точки.
Под објавата на корисничката на Твитер веднаш почнале да се нижат коментари:
„Бесконечна можност“, „Гледаат со чудење и сами не знаат што ќе биде“, „Паѓа и одгоре и од долу“, „Јас во тоа време не би излегувал никаде, а вие како сакате. Јавете се доколку имате нуспојави“...
Знаете ли вие што значи овој симбол? Доколку не знаете, одговорот може да го прочитате подолу.
Според страницата „Meteologos“ на која се наоѓаат сите меѓународни метеоролошки симболи, тие две споени кружници означуваат сува магла, односно висока концентрација на смог и лебдечки честички во воздухот.
