Срцева слабост е сериозна хронична состојба која се влошува со текот на времето, поради што е важно да се реагира што е можно побрзо и да се намали ризикот од здравствени проблеми.
Болестите на срцето и крвниот систем се една од водечките причини за смрт во светот, а често се предизвикани од фактори како што се лошата исхрана, недостатокот на физичка активност или консумацијата на цигари.
Срцева слабост е состојба која укажува на неспособност на срцето правилно да пумпа крв низ телото. Типично, оваа дисфункција се јавува затоа што срцето станува или премногу слабо или вкочането.
Доктор Хафиз Надери на својот канал на Јутјуб сподели пет главни предупредувачки знаци на срцева слабост на кои треба да се посвети посебно внимание.
„Во ова видео сакам да се фокусирам на првите пет симптоми кои вообичаено ги гледаме кога пациентите првпат се јавуваат со срцева слабост“, рече тој.
Зголемување на телесната тежина
Во третманот на срцева слабост, лекарите често бараат од пациентите да ја наведат својата „сува“ тежина, односно тежината кога нема акумулација на течност или надуеност во телото. Ова им помага да разберат приближно колкава ќе биде дозата на нивниот лек.
Скратен здив
Д-р Надери го опишува останувањето без здив како симптом број еден на срцева слабост. Кога се трудите, срцето му кажува на вашето тело дека „не може да го издржи“. Ова чувство можете посилно да го доживеете кога лежите рамно. Тоа е затоа што срцевата слабост предизвикува акумулација на течност во белите дробови, што се влошува кога лежите рамно.
Оток
Отокот, кој најчесто се јавува во стапалата, е исто така еден од првите знаци на срцева слабост. Надери истакнува дека тоа се случува бидејќи срцето неправилно ја пумпа крвта. Тој објаснува дека пациентите често му велат дека отокот се зголемува во текот на денот, а се намалува во текот на ноќта.
Сепак, ова се должи само на ефектите на гравитацијата што ја турка течноста до вашите екстремитети во текот на денот.
Палпитации на срцето
Палпитациите се срцеви активности, кои се опишуваат како чувство на треперење, тркање или прескокнување на срцето. Надери објасни дека луѓето кои имаат срцева слабост честопати ќе имаат побрзо отчукување на срцето во минута.
Тоа е затоа што слабото срце прекомпензира додека се бори да ги исполни барањата на телото, па се забрзува и затоа може да почувствувате палпитации. Срцето исто така може да падне во абнормален ритам.
Чувство на умор
Иако заморот е многу нејасен симптом и може да биде причина за различни состојби, Надери вели дека често слуша пациенти на кои неодамна им била дијагностицирана срцева слабост, како велат дека се постојано уморни. Слабото срце очајно се обидува да продолжи и како резултат на тоа се чувствувате уморно и исцрпено.
