Расположението во Колбенакер, Цирих, Швајцарија е депресивно. Неколку стотици луѓе кои бараа стан оваа среда застанаа пред комплетно реновирана станбена зграда.
Првите заинтересирани пристигнаа повеќе од еден час пред времето за гледање. Редот на заинтересираните беше долг 150 метри и се протегаше се до приодот до соседната станбена зграда.
И тоа во областа Зебах, каде пред неколку години за станови аплицираа само невработените и примателите на социјална помош, пишува магазинот Феникс.
Се очекуваше голем интерес
Долгите редици за станови во Цирих сега стигнаа и до периферијата на градот.
Станбената зграда на Колбенакер е оддалечена половина час со јавен превоз од главната железничка станица.
Директорот на компанијата за недвижности очекуваше голем интерес. „Баравме станари за станбена зграда во околината пред една година и одзивот беше огромен. Оттогаш, ситуацијата дополнително се влоши“, изјави тој за швајцарските медиуми. Сепак, тој е импресиониран од сцената.
Пред влезот, управителот ги подели заинтересираните во три реда. Во зависност од тоа дали дошле да видат стан со 1 спална, 2,5 спални или 3,5 спални.
Цени до 2.120 евра
На располагање има 24 апартмани. Еднособен стан од 29,3 метри квадратни чини 1.290 франци (околу 1.370 евра). 2,5 соби од 51 квадрат се достапни за 1.700 франци (околу 1.800 евра), а 3,5 соби од 60,7 метри квадратни за 2.000 франци (околу 2.120 евра).
Ова ги прави исклучително евтини според стандардите на градот Цирих.
На влезот пред зградата на еден млад човек му била одбиена дозвола да изврши увид во станот. Ги заборавил документите за аплицирање со пријавниот лист, изводот од фактурниот регистар и документот за идентификација – иако менаџментот го истакнал тоа во своите огласи.
“Менаџментот добива илјадници мејл прашања за станови”, вели првиот човек на компанијата. Едноставно не е можно да се разгледуваат апликациите преку меил, пишува Феникс.
