Квалитетниот сон е од голема важност за комплетното функционирање на организмот.
Добриот сон е многу важен за многу работи. Тој помага во нашето когнитивно функционирање и расположение, додека пак исто така го јакне и нашиот имунитет за да бидеме здрави и ни дава енергија која ни е потребна да ги извршиме дневните обврски.
Нарушувањето на сонот може да направи да се чувствуваме анксиозно или раздразливо, па важно е да знаеме што можеме да направиме за подобро да спиеме секоја вечер и зошто тоа започнува од тоа што треба да внимаваме што правиме пред да си легнеме.
„Обидете се да не ја користите спалната соба за задачи кои ве активираат и не се поврзани со чувството на смиреност“, објаснува д-р Шарм, експерт за сон, пренесува „Real Simple“.
Таквите активности можат да вклучуваат многу работи, од гледање во телефон, гледање телевизија и слично.
Д-р Шарм дури препорачува да размислите и за читање во дневната соба за и тоа да го разграничите од спиењето.
Други клучни принципи за добра хигиена на сонот
Д-р Шарм ја нагласува важноста на тоа да им дозволите на вашето тело и ум да се опуштат пред спиење за да дојдете до таа состојба на смиреност.
Тој предложува да се обидете да се опуштите најмалку 30-60 минути пред спиење и тоа читајќи, правејќи јога или медитација или уживање во топла купка.
Без оглед на тоа која од овие активности за опуштање ги правите, тоа може да делува смирувачки на вашиот нервен систем и да ви помогне да се подготвите за тонење во мирниот сон.
