По долго одложување, „Google“ на почетокот на април ја лансираше мрежата „Find My Device“ за пронаоѓање телефони и други компатибилни уреди офлајн.
Ова првично е ограничено на САД и Канада, со целосна глобална експанзија планирана за крајот на јуни или почетокот на јули, при што некои региони веќе се воведуваат.
Како што изјави еден корисник на „Twitter“ за новинарите од порталот „Android Authority“, мрежата „Find My Device“ се појавила во Велика Британија, но прашање е дали секаде и во таа земја бидејќи „Google“ обично е бавен во такви работи.
Кога „Google“ ќе ја стартува мрежата „Find My Device“, вашиот телефон може да побара од вас да се согласите да се придружите, а вие мора да ја прифатите ако сакате да бидете дел од мрежата.
Целта на создавањето на оваа мрежа е колку повеќе членови има, толку се поголеми шансите да го најдете вашиот уред доколку го изгубите или ви го украдат. Ова ги вклучува не само телефоните со „Android“, туку и слушалките и другите гаџети.
Засега оваа функција работи само на серијата телефони „Pixel 8“, но „Google“ работи со други производители за да ја донесе функцијата и на други телефони.
