Има значителни разлики во висината на пензиите низ Европа. Помалку од половина од Европејците веруваат дека ќе имаат доволно пари за да живеат во пензија, што е загрижувачка бројка.
Според податоците на Европскиот завод за статистика (Евростат) од 2021 година, највисоката просечна месечна пензија има на Исланд во однос на остатокот од Европа, и изнесува 2.762 евра.
Меѓу десетте земји со највисока просечна месечна пензија се Луксембург (2.575 евра), Норвешка (2.438 евра), Данска (2.417 евра), Швајцарија (2.138 евра), Австрија (1.962 евра), Холандија (1.931 евра), Ирска ( 1.906 евра, Шведска (1.838 евра) и Белгија (1.737 евра).
Босна и Херцеговина е меѓу европските земји со најниска просечна месечна пензија (237 евра или 474 КМ), а само Бугарија со 226 евра и Албанија со 131 евро се земји каде просечните месечни пензии се пониски од Босна и Херцеговина.
Кога станува збор за другите земји од поранешна Југославија, највисока просечна месечна пензија има Словенија (692 евра), потоа Хрватска (388 евра), Црна Гора (291 евро) и Србија (276 евра). Недостасуваа податоци на Евростат за Северна Македонија и Косово.
Просечната месечна пензија на ниво на Европската унија е 1.294 евра, пренесува Euronews.
